ಎರಡೇ ಗುಂಡಿ
=====================
ಅವಳಿಗೇನೋ ಬಿಗಿತ ಇವನಿಗೇನೋ ಸೆಳತ
ಬಿಚ್ಚಿ ಹೋಗಿದ್ದು ಬ್ಲೌಸ್ನ ಎರಡು ಗುಂಡಿ
ವಯಸ್ಸಿನ ಸಾಕ್ಷಿ, ಹಿಸುಕಾಡಿದ ಕಲೆ
ತೂಗು, ನಿಲ್ಲಲಾಗದೆ ಅರ್ಧ ಹೊರಕ್ಕೆ
ಸೆರಗೆಸೆದು ಬಿಗಿದರೂ, ಮೇಲೆತ್ತಿ ಮುಚ್ಚಿದರೂ
ತೆಳುವ ಪದರಗಳ ಮಧ್ಯವೇ ಕಣ್ಣ

ನಸುಕಿನ ಪೇಟೆಯ ಮಧ್ಯೆ ನಿಂತು ‘ಮಧ್ಯ’ ನೋಡುವ...
ಸಪ್ಪೆ ಆಸೆಗಳು ಮನದಲ್ಲಿ ತುಂಬಿ..
ದೇಹದ ರಕ್ತವೆಲ್ಲಾ ಮುಖ ನರಗಳಲ್ಲಿ ಹರಿದು
ಹಿಡಿಸಲಾರದ ಅಸಹ್ಯ ನಾಚಿಕೆ, ಬೇಡವಾಗಿತ್ತೇನೋ
ತಿಳಿದವನಂತೆ ನಗು, ಬಯಲಾಯಿತ ಭಯ

ರಾತ್ರಿ ಬಂದು ಹೋದ ಮಳೆ ನೆನಪಲ್ಲೇ
ರಸ್ತೆ ಮಧ್ಯೆ ನಿಂತ ಕೊಚ್ಚೆ ಗುಂಡಿಗೆ ಉಗಿದಳು
ಕೊಳಕು.. ಕೊಳಕು.. ಕೊಳಕು ಜನ..

-ಹರವು ಸ್ಫೂರ್ತಿಗೌಡ
(23-08-2013 11.20 pm)