ಮಾತಾಡ್ತೀಯಾ ಸಮೃದ್ಧಿಯಾಗಿ

ಮಾತಾಡ್ತಾನೇ ಇರ್ತಿಯಾ

ನಾನಂತು ಇಲ್ಲಿ ಮೌನ ಗೌರಿ

ನನ್ನ ಮಾತನ್ನು ಮರೆಸುವಷ್ಟು ಮಾತು

ತುಟಿ ಬಿರಿದು ನಗುವಾಗುತ್ತಿಯಾ

ಹೃದಯ ಕಟ್ಟೆ ಒಡೆಸಿ

ಕಲ್ಲಾದ ಭಾವ ಹರಿಸ್ತಿಯಾ

ಆದರೂ ನಾನಂತು ಇಲ್ಲಿ ಮೌನ ಗೌರಿ

ಆಸೆ, ಕನಸು, ಭವಿಷ್ಯಗಳ

ವಿನಿಮಯ, ವಿಚಾರ ಸಂಕಿರಣ

ರೇಗಿಸಿ ಕೆಂಪೇರಿಸ್ತಿಯಾ

ಅಳುಕಿದರೆ

ಹೆಣ್ಣೆದೆ ನೋವಾಯಿತೇನೋ?

ಮರುಗುತ್ತಿಯಾ!

ಆದರೆ ನಾನಂತು ಇಲ್ಲಿ ಮೌನ ಗೌರಿ

ಮಾತು ಕಸಿದುಕೊಂಡವನು

ಯಾವತ್ತೋ ಮೌನವ ಉಡುಗೊರೆ ಇತ್ತ

ಎಂದಿಗೂ ನಾನು ಮೌನ ಗೌರಿ

-ಹರವು ಸ್ಫೂರ್ತಿಗೌಡ